Veggisbloggen

Heimlaga juice

milostephan — Sat, 18 May 2013 09:03:16 +0000

Heimlaga juice er digg. Når eg lagar heimlaga juice slår det meg at eg burde lage det oftare. Juice som du kjøper på butikken inneheld ofte mykje sukker og tilsettingsstoff. Det slepp ein når ein lagar sin eigen juice. I tillegg kan ein velge ingredienskombinasjonane heilt sjølv. Denne juicen er laga av eple, pære og ananas, ein super kombinasjon. Smakar herleg på ein solrik dag som i dag:-)

1 pære

1/2 grønt eller gult eple

1 lita boks ananas

3 isbitar

Skjer opp frukta og hiv alt i blenderen.

Voilà!

Salat med aprikos

milostephan — Thu, 16 May 2013 13:05:33 +0000

Våren er ei perfekt tid for herlege salatar. I denne har eg samla ei litt uvanleg blanding som viste seg å smake veldig godt. Om du ikkje har kjøpt fersk aprikos før, så er dette ei gylden moglegheit!

1 ciabatta
6 spiseskeier olivenolje
2 fedd kvitlauk
salt
pepar
4 spiseskeier fersk oregano
1 spiseskei epleeddik
4 tomatar
1/2 raudlauk
1/2 agurk
10 kalamataoliven
2 selleristenger
3 ferske aprikosar

Hakk kvitlauken opp i små bitar.
Klipp den ferske oreganoen.
Bland olivenolje, eddik, kvitlauk, oregano, salt og pepar saman i ei skål.
Varm opp ciabattabrødet i ovnen til det er sprøtt.
Skjer det i små terningar.
Skjer opp dei andre ingrediensane.
Bland alt saman i ein bolle.
Strø litt meir fersk oregano på toppen.

Gulrotsuppe med salsa

milostephan — Sun, 12 May 2013 17:03:50 +0000

Heimlaga suppe er alltid ein slager. Denne gulrotvarianten er frisk og fresh både fordi det er appelsinjuice i den og fordi den blir servert med salsa og fersk persille. Varme rundstykker med mykje smør på, høyrer også med :-)

300 gram gulrøter
200 gram poteter
1 lauk
2 stilkar stangselleri

7 dl grønsaksbuljong
1 ts. kanel
1 ts. koriander
1 spiseskei soyasaus
salt
pepar
2 dl appelsinjuice
2 spiseskeier rømme

Salsa:
1 avokado
2 tomatar
1 fedd kvitlauk
1 lime

fersk persille
rømme

Skjer opp grønsakene i små bitar.
Kok dei møre i grønsaksbuljongvatn og krydder. (ca. ti minuttar)
Køyr blandinga gjennom ein blender eller ein stavmiksar.
Ha suppa tilbake i gryta og tilsett appelsinjuice og soyasaus.
Kok opp.
Bland inn rømmen.
Smak til med salt og pepar.

Salsa:

Skjer opp tomatane i små bitar.
Skjer opp avokadoen i små bitar og trykk safta av limen over avokadoen.
Kutt kvitlauken smått.
Bland det saman i ei skål og smak til med salt og pepar.

Dal og chapati

milostephan — Mon, 06 May 2013 18:39:59 +0000

Støtt og stadig hender det at eg saknar India. Dette saknet kan eigentleg inntre når som helst, men ofte når eg overhøyrer nokon som snakkar indisk eller når eg set på Bollywood-musikk i heimen. Heldigvis kan eg gjenskape litt av India, også på Storetveit. Då lagar eg mat med plenty spisskummen, gurkemeie og koriander. Ein av favorittane mine er basismaten for millionar av indarar, nemleg dal og chapati.

Fire porsjonar:
1 lauk
2 fedd kvitlauk
5 cm ingefær
4 stk sopp
1 gulrot
1 1/2 kopp raude linser

1 teskei spisskummen
1 teskei koriander
1 teskei gurkemeie
1 teskei cayennepepper
1/2 teskei kanel
1/2 teskei kardemomme
salt
pepar
1 spiseskei tamari soyasaus
1 boks kokosmjølk
1 boks tomat på boks
3 spiseskeier solsikkeolje
1 kopp grønsaksbuljong

Skyll dei raude linsene i kaldt vatn godt slik at alt skummet forsvinn.
Legg linsene i kaldt vatn i ein bolle i minst ein time.
Skjer opp lauk, kvitlauk og ingefær.
Surr det i litt solsikkeolje i om lag fem minuttar.
Skjer opp sopp og gulrot i små bitar.
Tilsett det i steikepanna.
Tilsett kryddera.
Ha resten av ingrediensane.
La retten småkoke i ein halvtimes tid.
Tilsett meir vatn og litt meir olje om det blir for tørt.
Smak på dalen, og tilsett meir krydder eller salt om det er behov for det.

Chapati:
Å lage chapati krever litt øving. Det er også litt kronglete å forklare korleis ein lagar dei på lettast mogleg måte sjølv om det faktisk ikkje er så vanskeleg. For å gjere det litt enklare, henviser eg til denne gode forklaringa frå about.com. Om du vil kan du sjølvsagt “jukse litt” og kjøpe ferdige chapati på ein innvandrarbutikk. I Bergen har dei frosne chapati på Global Foods som er ferdig i panna på null komma niks. Eit anna alternativ er å servere dahl med ris. Det smakar også herlig.

Kokebok: Green Kitchen

milostephan — Wed, 01 May 2013 09:01:14 +0000

For eit par veker sidan fekk eg ei ny kokebok i posten, bestilt på Amazon. Den er skrive av David Frenkiel og Luise Vindahl som står bak ein av favorittbloggane mine www.greenkitchenstories.com

Kokeboka “The Green Kitchen” er ei nydeleg vegetarkokebok med eit hav av inspirerande bilder. Matinspirasjonen er henta frå heile verda, men dei har også lagt vekt på skandinaviske mattradisjonar som rugbrød, flatbrød og rødgrød med fløde.

Boka er delt inn i seksjonar som frukost, lettare måltid, ta-med-mat, familiemiddagar, drikke og dessertar. Rødbet, eple og geitost-wrap, beet bourguingnon og grilla tomat og kikertsuppe er tre av oppskriftene som eg definitivt vil prøve. Sjokolade- og bringebærbrownie eller hasselnøtt masala-chai høyrest også veldig godt ut.

I starten av boka er det også ei side som heiter “Eight tips on how to give your children a healthy start in life”, som eg har skikkelig sansen for.

Etter min smak kunne det kanskje vore litt fleire middagsoppskrifter, sidan det er middagsinspirasjon eg føler at ein har mest behov for som vegetarianar, men alt i alt er dette ei fabelaktig bok som eg absolutt kan anbefale!

Pai med sopp og basilikum

milostephan — Wed, 24 Apr 2013 18:21:59 +0000

Eg er veldig glad i pai. Av mange grunnar. Hovudgrunnen er sjølvsagt at det smakar godt, men ein annan grunn er at det er så kjekt å ha klart i kjøleskapet når ein kjem heim frå jobb. Varm opp ovnen, smell det inn i og kutt opp litt salat; og vips er det middag. Det fine med pai er jo også at den nesten smakar betre dagen etter at ein har laga den :-)

Til 3-4 personar som hovudrett med salat til.

125 gram kaldt smør
175 gram mjøl
2 ss iskaldt vatn

Fyll:
500 gram sopp
1/2 lauk
2 fedd kvitlauk
3 egg
2 dl rømme
100 gram kvitost
fersk basilikum
1 teskei urtesalt
pepar
sesamfrø

Skjer opp kaldt smør eller margarin i små bitar.
Smuldre smøret inn i mjølet.
Tilsett vatnet forsiktig.
Form deigen til ein ball og dekk med plastfolie.
La deigen kvile i minst 20 minuttar i kjøleskapet.
Sett ovnen på 200 grader.
Klem deigen ut i ei paiform, prikk med ein gaffel og forsteik paien i ti til femten minuttar.
Steik soppen i litt smør i ei stekepanne på middels til høg varme.
Legg soppen i ei skål.
Skjer opp lauk og kvitlauk.
Steik det i panna.
Bland saman egg, rømme, sopp, lauk og kvitlauk i ein bolle.
Kutt opp basilikumen og ha den i.
Tilsett urtesalt og pepar.
Ha fyllet i paien.
Strø eit lag sesamfrø på toppen.
Steik paien på 200 grader om lag ein halv time.
Sjekk at eggeblandinga har stivna og følg med så ikkje paien blir brent på toppen.
Servér med salat til.

Tid for spirer!

milostephan — Thu, 18 Apr 2013 18:33:55 +0000

Våren har fått ein sped start her i Bergen. Nokre blomar har byrja på sprette opp frå den kalde bakken og forhåpentligvis blir det grønt på trea snart også. I denne vårmånaden synest eg det passar veldig fint å kome i gang med spirene. Faktisk kan ein dyrke eigne spirer heile året, men no synest eg det passar ekstra bra. Eg har lagt ut ei oppskrift på korleis du lagar eigne spirer her på bloggen tidlegare, men det skadar ikkje med ein repetisjon.

Spirer smakar veldig godt på ei fersk brødskive med ost, i ein god salat, i supper, gryterettar eller på toppen av ein omelett.

Skyll ein kopp grøne linser i kaldt vatn gjennom ei sil.
Legg linsene i ei skål med vatn i åtte timar.
Skyll linsene igjen.
Ha linsene i ei glaskrukke. (Krukka skal vere så stor at den ikkje er fylt meir enn ein tredjedel.)
Strekk ein tynn kjøkkenklut over opninga på krukka.
Stram til med ein gummistrikk.
Skyll linsene i kaldt vatn (medan klutloket er på), to gonger om dagen.
Rist godt og la vatnet renne ut igjen.
Gjenta skylleprosessen i fire til fem dagar.
Linsene har no blitt til spirer!
Ta spirene ut av krukka og legg dei i ei lufttett plastboks i kjøleskapet med litt kjøkkenpapir i botnen.
Spirene held seg friske i om lag ei veke.

Får du ikkje komt i gong med di eiga spiring, kan eg anbefale nokre nye spirar som ein får kjøpt på Coop. Dei har fått navnet “Superspirer”, er økologiske og vert produsert på Hoppestad Gård utanfor Skien. Eg har smakt brokkolispirer, reddikspirer og kløverspirer. Etter mi meining er brokkoli- og kløvervariantane veldig gode. Reddikvarianten vart litt for spiss i smaken for meg. Meir info om superspirene kan du finne her.

Oslo Vegetarfestival

milostephan — Wed, 10 Apr 2013 17:18:10 +0000

4. mai er det tid for Oslo Vegetarfestival. Dette er eit glitrande arrangement som eg vil anbefale folk å stikke innom dersom dei bur i området eller er i hovudstaden denne helga. Eg har laga eit intervju med HeidiRøneid, ein av initiativtakarane til festivalen.

Kva er bakgrunnen for at festivalen blei starta?

Synne (Hewitt) og jeg hadde vært på mange vegetarfestivaler i utlandet og synes det var helt fantastisk å være et sted hvor man kunne spise alt, prøvesmake spennende produkter, høre på inspirerende foredrag og kokkekurs og snakke med andre som er opptatt av vegetarisme. Vi tenkte at det hadde vært så fint med et lignende arrangement i Norge, og bestemte oss derfor for å arrangere en festival. Det var tydelig at det var mange andre som også hadde savnet et slikt tilbud, det første året kom det hele 1100 besøkende! Så året etter måtte vi flytte til et større lokale, og i år utvider vi igjen, med et enda større lokale og flere utstillere enn noen gang tidligere.

Kva foregår på festivalen?
Det er mye forskjellig som foregår på festivalen. Det kommer til å være en stor utstillerhall, hvor produsenter, importører, organisasjoner, butikker og andre kommer til å ha en bod. Her blir det utdeling av smaksprøver på nye produkter og salg av mat og ting man kan ta med hjem. Her kan man kjøpe alt fra vegansk blåmuggost, vegetariske pølser, hjemmelaget hummus og godteri til kosttilskudd, klær, sminke, kroppspleieprodukter, buttons og mye mer.

Det vil også være en stor mathall hvor noen av landets beste vegetarkokker selger mat man kan spise på festivalen. Her blir det blant annet salg av vegetarisk grillmat, middelhavsmat, rawfood, veganske vafler, supergode cupcakes og mye mer. Det er så mye man vil smake på her at vi anbefaler alle å spise en veldig lett frokost, så man får plass til så mye som mulig når man kommer på festivalen.

Vi har også et festivalprogram med kokkekurs og foredrag. Programmet er lagt opp slik at både de som er nysgjerrige på vegetarisme og de som har vært vegetarianere eller veganere hele livet skal finne noe som interesserer dem. På kokkekurset kan man lære å lage rawfood, cupcakes og enkle middagsretter for å nevne noe, og foredragene handler blant annet om hvordan man kan starte sin egen populære vegetarblogg, hvordan man kan jobbe politisk for vegetarisme og om rawfood. I tillegg kommer det til å være et såverksted tre ganger i løpet av dagen hvor man kan plante frø og lære hva som skal til for å dyrke egne grønnsaker.

Er det noko nytt som skjer i år som du vil trekke fram?

Vi har flyttet til DogA som er et mye større lokale enn hva vi har hatt tidligere. Vi har også mange nye og spennende utstillere som ikke har vært med tidligere, som Epleslang Eplemost som lager eplemost av epler plukket i hager i Oslo, Le Palais des Thes som har nydelige teer og mange små utstillere som selger hjemmelagde produkter, som hummus, vegansk aioli, godteri, cupcakes og lignende.

Det var 1200 betalande besøkande i fjor. Kor mange forventer festivalen i år?

Vi regner med like mange besøkende som i fjor, men håper at det kommer enda flere i år. Noen tror kanskje at festivalen kun er for vegetarianere og veganere, men den er også et supert sted å ta med familie, venner og kollegaer som ikke er vegetarianere slik at de kan smake all den fantastiske maten og se hvor mye bra vegetarverdenen har å by på.

Kven passar festivalen for?

Festivalen passer for alle, både folk som allerede er vegetarianere eller veganere, folk som ønsker å spise litt mer vegetarisk eller folk som kjenner andre vegetarianere og vil vite mer (for eksempel foreldre med barn som har blitt eller ønsker å bli vegetarianere).

Kva er din vegetariske favorittmiddag?

En av mine favorittmiddager er nøttestek med brun saus. Da jeg var hos Thomas (Veganmannen) like før jul fikk jeg servert en av de beste nøttestekene jeg har spist. Den anbefales på det sterkeste. Oppskriften finner du på www.veganmannen.no (søk på nøttestek, det er den under 4 stjerners veganmiddag del 2).

Kva er dine beste tips for folk som ønskjer å spise meir vegetarisk?

Mitt beste tips er å planlegge. Bestem deg for en dag i uken hvor du skal spise vegetarisk og bruk litt ekstra tid på å finne ut av hva du skal spise. Søk på oppskrifter på nett (bloggerne har veldig mye bra), finn noe du synes ser spennende ut og handle gjerne inn i forveien slik at det er klart når du kommer hjem fra skole eller jobb og skal lage maten. Vær forberedt på å bruke litt ekstra tid på matlagingen den dagen, det tar ofte litt lenger tid når du lager noe fra bunnen eller noe du ikke har laget før, og spis kanskje en banan eller noe annet lett før du går igang med matlagingen. Når man er sulten vil man gjerne bli ferdig så fort som mulig, men blir ikke resultatet bra er det ikke så motiverende å fortsette. Etterhvert som man prøver flere oppskrifter vil det gå mye fortere å lage maten, og man blir også mye flinkere. Da kan man invitere venner og kjente og briljere med sine nye kokeferdigheter.

(Alle foto: Arash Nejad/nyebilder.no)

Oslo Vegetarfestival

Tid: Lørdag 4. mai klokken 11-18
Sted: DogA, Hausmannsgate 16

oslovegetarfestival.no

Pannesteikt currytofu

milostephan — Thu, 04 Apr 2013 18:59:21 +0000

Dette er ei herleg og smakfull middagsoppskrift. Dersom du kokar risen kvelden før, er middagen klar på litt over ti minuttar. I Bergen har dei eit stort utvalg av tofu på Kinsarvik. I andre byar finn ein det ofte i frukt- og grønt-butikkar eller i helsekostbutikkar.

Til to personar:

1 pakke orientalsk Nagel-tofu
250 gram fersk spinat
1 brokkoli
2 kvastar vårlauk

1 kopp jasminris
ein neve cashewnøtter
solsikkeolje
salt
pepar
3 spiseskeier soyasaus eller tamarisaus

Kok risen.
Tørk av tofuen med eit kjøkkenpapir.
Skjer tofuen i små terningar.
Varm ei steikepanne med litt olje på middels varme.
Steik tofubitane. Rør godt undervegs.
Skjer opp spinat, vårlauk og brokkoli.
Varm ei anna panne med olje og steik grønsakene der på middels varme.
Ha over soyasaus.
Tilsett risen saman med grønsakene.
Rør godt undervegs og ha gjerne i litt meir olje om det trengs.
Hakk opp cashewnøttene og strø dei på toppen.
Smak til med salt og pepar.

Aspargessalat

milostephan — Mon, 01 Apr 2013 17:02:00 +0000

For to dagar sidan kom eg heim frå ein herleg påskeferie i Spania. I matvarebutikken hadde dei innbydande buntar med asparges som eg bestemte meg for å lage ein salat av. Asparges-sesongen i Norge startar dessverre ikkje før i mai, men enn så lenge kan ein nyte dei importerte.

Asparges smakar forøvrig også veldig godt med risnudlar. Oppskrifta finn du her. Treng du fleire asparges-tips har frukt.no ei fin side.

ein bunt grøne asparges
2 pakkar mozzarella
olivenolje
tomatar
1/2 paprika
salatblad
salt
pepar

Legg aspargesen i ein bolle med iskaldt vatn (gjerne med isbitar).
La dei ligge der i vatnet i ca. ti minuttar.
Knekk av den trevlete delen av aspargesen.
La dei koke i lettsalta vatn to til fire minuttar.
Ikkje kok dei for lenge for då vert dei daffe.
Skyll med kaldt vatn slik at kokeprosessen sluttar.
Ha eit par spiseskeier smør over aspargesen.
Skjer opp mozzarellaen i tynne skiver.
Hell over olivenolje og strø på med salt og pepar.
Skjer opp tomatar i skiver og paprika i terningar.
Legg alt på ein tallerken og servér med godt brød til.